BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZN-in məzənnəsi 1 dollar üçün 0,9133 AZN-ə bərabər idi. Sistemdə bankların verdiyi sifarişlərin məbləğinin 9 900 000 USD və 7 830 000 AZN olmasına baxmayaraq, EHBS-in səhər və gündüz sessiyalarında USD/AZN T+0 aləti üzrə əqd bağlanmamışdır. Nəticədə hər iki sessiyanın yekunlarına görə manatın məzənnəsi dəyişməz qalmışdır.
USD/AZN T+1, T+2 və SWAP_USD/AZN alətləri üzrə tələb olmadığından dilerlər əqd bağlamamışlar.
EHBS-də banklar AUR/AZN, RUR/AZN alətləri üzrə sifariş verməmişlər.
EHBS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə illik manatla 14,91 faiz, ABŞ dolları üzrə isə 14,75 faiz təşkil etmişdir.
Fevralın 24-də birjada banklar arasında kredit alətləri üzrə əqd bağlanmamışdır.
Bölmənin digər xəbərləri
