“Bakı Beynəlxalq Dəniz Ticarət Limanı” QSC-nin əməkdaşları vaksinasiya olunur
Bakı, 24 aprel, AZƏRTAC
“Bakı Beynəlxalq Dəniz Ticarət Limanı” ərazisində Tibbi Ərazi Bölmələrinin İdarəetmə Birliyinin (TƏBİB) tibb heyyəti tərəfindən koronavirus infeksiyasına qarşı kütləvi vaksinasiya işi aparılır.
QSC-dən AZƏRTAC-a bildirilib ki, 2 gün ərzində limanda fəaliyyət göstərən 18-40 yaş aralığındakı 400-dək şəxsin, habelə liman ərazisində fəaliyyət göstərən şirkətlərin 200-dək əməkdaşının da peyvənd olunması nəzərdə tutulur.
Bu müddətə kimi limanda fəaliyyət göstərən 40 yaşından yuxarı 232 nəfər vaksinasiya olunub. Onlardan 86 nəfəri 40-49 yaş aralığında, 141 nəfəri 50-64 yaş aralığında,5 nəfəri isə 65 yaşından yuxarı olan şəxslərdir.
Qeyd edək ki, qurumun əməkdaşlarının vaksinasiyası könüllü formada həyata keçirilir.
Bölmənin digər xəbərləri
