Bakı Kənar Dairəvi yolunda təhlükənin qarşısı alınıb
Bakı, 28 oktyabr, AZƏRTAC
Bu gün saat 16 radələrində Baş Dövlət Yol Polisi İdarəsinin Ekoloji Nəzarət üzrə YPX Bölüyünün əməkdaşları Bakı Kənar Dairəvi yolunun 6-cı kilometrliyində iri qaya parçalarının yola doğru sürüşməsini müşahidə etdiyi üçün dərhal aidiyyəti üzrə məlumat verilməklə ərazi nəzarətə götürülüb.
DİN-in Mətbuat Xidmətindən AZƏRTAC-a verilən məlumata görə, hazırda DYP əməkdaşları tərəfindən aidiyyəti qurumlarla birgə ehtimal olunan təhlükənin qarşısının alınması, eləcə də nəqliyyat vasitələrinin təhlükəsiz hərəkətinin təmin edilməsi istiqamətində qabaqlayıcı tədbirlər görülür, hərəkətin nizamlanması həyata keçirilir.
Bölmənin digər xəbərləri
