Bakı Şahmat Olimpiadasına həsr olunan poçt markaları hazırlanıb
Bakı, 1 sentyabr, AZƏRTAC
Rabitə və Yüksək Texnologiyalar Nazirliyi “Azərmarka” MMC ənənəyə sadiq qalaraq, əlamətdar hadisələrə həsr olunan yeni markalar dövriyyəyə buraxıb.
Bakı Şahmat Olimpiadasının mətbuat xidmətinin AZƏRTAC-a bildiriblər ki, “Azərmarka” MMC-nin hazırladığı növbəti markalar sentyabrın 1-də Bakıda start götürəcək 42-ci Ümumdünya Şahmat Olimpiadasına həsr edilib. Bu seriyada 5 poçt markası dövriyyəyə buraxılıb.
Nəfis dizaynda hazırlanan blokun üzərində yer alan poçt markalarının hər birinin nominal dəyəri 0,5 manat təşkil edir.
Xatırladaq ki, ötən il “Şahmat üzrə Dünya Kuboku. Bakı-2015” seriyasından hazırlanan poçt markası İtaliyada yayımlanan “L'arte del Francobollo” jurnalı tərəfindən “Ayın ən orijinal markası” seçilmişdi.
Bölmənin digər xəbərləri
