Bakı şəhər sakinindən üç kiloqrama yaxın heroin götürülüb
Bakı, 16 iyun, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, narkotiklərin qanunsuz dövriyyəsində şübhəli bilinən Bakı şəhər sakini R.Surxayev Binəqədi Rayon Polis İdarəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində saxlanılıb. Şəxsi axtarış zamanı ondan heroin və metamfetamin götürülüb. Onun Xətai rayonunun Əhmədli qəsəbəsindəki evindən isə 2 kiloqram 770 qram heroin, 170 qram metamfetamin, 4 elektron tərəzi, 10 tramadol və 1 preqabalin həbi aşkarlanıb.
Faktla bağlı araşdırma aparılır.
Bölmənin digər xəbərləri
