BAKIDA 10-12 YAŞLI FUTBOLÇULAR ARASINDA TURNİR KEÇİRİLƏCƏKDİR
Bakı, 6 yanvar (AZƏRTAC). Bakıda 10-12 yaşlı uşaqlardan təşkil edilmiş komandalar arasında turnir keçiriləcəkdir. AFFA-dan bildirmişlər ki, yarışda regionlarda keçirilmiş turnirlərin qalibləri, Premyer Liqa klublarının uşaq komandaları, eləcə də 5 futbol məktəbi və 1 məhəllə komandası iştirak edəcəkdir. Birinci yerin sahibi ölkəmizi ilk dəfə olaraq “Danone Nations Cup” beynəlxalq turnirində təmsil edəcəkdir.
Qeyd edək ki, müxtəlif ölkələrdən komandaların dəvət olunduğu bu turnir uşaqlar arasında qeyri-rəsmi dünya çempionatı kimi də tanınır.
Bölmənin digər xəbərləri
