BAKIDA EŞİTMƏ QÜSURLU ƏLİLLƏR ARASINDA FUTZAL ÜZRƏ “PAYIZ” TURNİRİNƏ START VERİLMİŞDİR
AZƏRTAC xəbər verir ki, Bakıda Texniki Universitetin idman zalında eşitmə qüsurlu əlillər arasında futzal üzrə ənənəvi “Payız” turnirinə start verilmişdir. Dörd gün davam edəcək və dörd komandanın mübarizə aparacağı turnir dairəvi sistem üzrə keçirilir.
Məqsəd eşitmə qüsurlu əlillərdən ibarət futzal üzrə 16 yaşa qədər komandanın və əsas milli yığmanın heyətinin formalaşmasına nail olmaq, onların qarşıdakı beynəlxalq yarışlara hazırlığını təmin etməkdir.
Yarış, eyni zamanda, gələn ilin iyun ayında Slovakiyanın Preşov şəhərində 16 yaşa qədər eşitmə qüsurlu yeniyetmələr arasında təşkil olunacaq ənənəvi beynəlxalq turnirə hazırlıq xarakteri daşıyır.
Turnirə oktyabrın 31-də yekun vurulacaqdır.
Bölmənin digər xəbərləri
