Bakıda NATO-nun Mobil Təlim Qrupu tərəfindən kurs keçirilir
Bakı, 20 sentyabr, AZƏRTAC
Azərbaycan Respublikası Müdafiə Nazirliyinin NATO ilə 2016-cı il üçün Fərdi Tərəfdaşlıq üzrə Əməkdaşlıq Proqramına əsasən NATO-nun Ramştayn Hərbi Hava Qüvvələri (HHQ) Komandanlığının Mobil Təlim Qrupu tərəfindən “Birgə HHQ Əməliyyatlarının Planlaşdırılması” mövzusunda təlim kursunun keçirilməsinə başlanılıb.
Müdafiə Nazirliyinin mətbuat xidmətindən AZƏRTAC-a bildiriblər ki, kurs müddətində iştirakçılara “NATO HHQ-nin Komanda və Qüvvə strukturu”, “Birgə Əməliyyatların Planlaşdırılmasının Əsas Xüsusiyyətləri” və digər mövzular barədə məlumatlar veriləcək, işçi qruplarda fəaliyyətlər həyata keçiriləcək.
Təlim kursu sentyabrın 23-dək davam edəcək.
Bölmənin digər xəbərləri
