BAKIDA YENİYETMƏ ŞAHMATÇILAR ARASINDA BEYNƏLXALQ TURNİR KEÇİRİLƏCƏKDİR
AZƏRTAC xəbər verir ki, noyabrın 2-də Bakıda uşaqlar arasında “HP-Makkabi” II beynəlxalq şahmat turniri start götürəcəkdir.
Şahmat Federasiyası, “Hewlett Packard” şirkətinin Azərbaycan nümayəndəliyi və “Makkabi-Azərbaycan” Mədəni-İdman Birliyi tərəfindən təşkil olunan turnirdə 1996-99-cu il təvəllüdlü uşaqlar güclərini sınayacaqlar.
Yarışda Azərbaycan, Hindistan, Gürcüstan, Rusiya, Türkiyə, Qazaxıstan və İsraili təmsil edən 36 gənc şahmatçı iştirak edəcəkdir.
İsveçrə sistemi üzrə keçiriləcək yarışın qalibi “Makkabi-Azərbaycan” Mədəni-İdman Birliyini beynəlxalq səviyyədə təmsil etmək hüququnu qazanacaqdır. Bundan əlavə, 1-ci, 2-ci və 3-cü yerləri tutan şahmatçılar HP şirkəti tərəfindən qiymətli hədiyyələrlə mükafatlandırılacaqlar.
Bölmənin digər xəbərləri
