BAKU STEEL COMPANY ARDNŞ İLƏ MÜQAVİLƏ BAĞLAMIŞDIR MƏDƏNLƏR METAL QIRINTILARINDAN TƏMİZLƏNİR

BAKU STEEL COMPANY ARDNŞ İLƏ MÜQAVİLƏ BAĞLAMIŞDIR
MƏDƏNLƏR METAL QIRINTILARINDAN TƏMİZLƏNİR

06.05.2004 [14:12]
Çap et
A⁺ A^-

AZƏRTAC-ın müxbiri xəbər verir ki, Baku Steel Company şirkəti ilə Azərbaycan Dövlət Neft Şirkəti arasında bağlanmış müqaviləyə əsasən, respublikanın qurudakı neft mədənləri yararsız metal qırıntılarından təmizlənəcəkdir.

Bununla əlaqədar ARDNŞ tərəfindən müvafiq strukturlara, o cümlədən “Azneft” İstehsalat Birliyinin bütün neft-qazçıxarma və təmir müəssisələrinə tapşırıq verilmişdir. Cari ilin sonuna qədər poladəritmə şirkətinə 2700 ton metal qırıntısı təhvil verilməlidir. Bu təşəbbüs hər iki tərəfin xeyrinədir: şirkət istehsal üçün ucuz qiymətə xammal əldə edir, ARDNŞ isə əlavə vəsaitlə yanaşı, həm də mədənləri abadlaşdırmaq və əlverişli iş şəraiti yaratmaq imkanı qazanmış olur.

Hazırda mədən sahələrində metal qırıntısı toplanır.