BALACA SOYDAŞIMIZ FRANSADA ŞAHMAT TURNİRİNİN KUBOKUNU QAZANMIŞDIR
AZƏRTAC-ın xüsusi müxbiri Parisdən xəbər verir ki, 8 yaşından 70 yaşına qədər şahmatçıların iştirak etdikləri yarışda turnir iştirakçıları A, B və C qruplarına bölünmüşlər. Balaca soydaşımız 280-ə yaxın şahmatçının iştirak etdiyi B qrupunda yarışmış və 10 yaşa qədər şahmatçılar arasında ən yaxşı nəticə göstərərək turnirin kubokunu qazanmışdır. O, keçirdiyi 9 oyunun üçündə qələbə qazanmış, iki oyunu heç-heçə başa vurmuş, dörd oyunda isə uduzmuşdur.
Yarışın hakimləri kiçik yaşlı azərbaycanlı şahmatçının inamlı oyun keçirdiyini razılıq hissi ilə qeyd etmiş və gələcəkdə onun tanınmış şahmatçı olacağına böyük ümid bəslədiklərini bildirmişlər.
Bölmənin digər xəbərləri
