BALAKƏNDƏ ANMA MƏRASİMİ KEÇİRİLİB
Mədəniyyət evinin foyesində təşkil edilmiş “Xocalı harayı” adlı sərgidə nümayiş etdirilən fotoşəkillər, uşaqların əl işləri və rəsm əsərləri xalqımızın başına gətirilən faciənin mahiyyətini və dəhşətliliyini bir daha yada salmış, mənfur düşmənə olan qəzəb və nifrət hissini daha da artırmışdır.
Tədbirdə Balakən Rayon İcra Hakimiyyətinin başçısı Nəsib Məhəməliyev, YAP rayon təşkilatının sədri Akif Uluxanov, rayonun hərbi komissarı Məzahir Müzəffərov və digər natiqlər çıxış edərək, xalqımıza qarşı hər zaman xəyanətkar mövqedə dayanan ermənilərin misli görünməmiş bu vəhşiliyini bəşəriyyətə qarşı törədilmiş ən dəhşətli cinayət kimi qiymətləndirmiş, terroru dəstəkləyənləri lənətləmişlər. Çıxışlarda faciəyə hüquqi-siyasi qiymət verilməsində və onun dünya ictimaiyyətinə çatdırılmasında ümummilli liderimiz Heydər Əliyevin tarixi xidmətləri xüsusi vurğulanmışdır.
Tədbirin sonunda mədəniyyət işçilərinin və məktəblilərin hazırladığı ədəbi-bədii kompozisiya nümayiş etdirilmişdir.
Rayon rəhbərliyi Balakəndə məskunlaşmış 13 xocalılı məcburi köçkün ailəsinin üzvləri ilə görüşmüş və onların qayğı və problemləri ilə maraqlanmışlar.
Bölmənin digər xəbərləri
