Baş Dövlət Yol Polisi İdarəsindən xəbərdarlıq: Dumanlı hava yollarda təhlükə yarada bilər
Bakı, 31 yanvar, AZƏRTAC
Milli Hidrometeorologiya Xidmətinin məlumatına əsasən respublika əhəmiyyətli avtomobil yollarının keçdiyi bir sıra bölgələrdə dumanla əlaqədar olaraq görünüş məsafəsi 50-200 metrədək məhdudlaşıb.
AZƏRTAC xəbər verir ki, Baş Dövlət Yol Polisi İdarəsi həftəsonu avtomagistrallarda hərəkət intensivliyinin artacağını nəzərə alaraq, xüsusilə səfərə çıxan sürücülərdən dumanlı havada sürət həddini, ara məsafəsini yol və hava şəraitinə uyğun seçməyi, nəqliyyat vasitələrinin, ələlxüsus onların xarici işıq cihazlarının, şüşə silgəclərinin sazlığından əmin olmağı, dayanma, durma, parklanma, eləcə də ötmə və manevr zamanı təhlükəsizlik qaydalarına ciddi əməl etməyi xahiş edir.
Bölmənin digər xəbərləri
