“Başakşehir” öz meydanında “Kopenhagen”i minimal hesabla məğlub edib
Bakı, 13 mart, Nicat Məmmədov, AZƏRTAC
Martın 12-də UEFA Avropa Liqasında səkkizdəbir final mərhələsinə start verilib.
AZƏRTAC xəbər verir ki, Türkiyənin turnirdə yeganə təmsilçisi “Başakşehir” Danimarkanın “Kopenhagen” komandasını qəbul edib. İstanbul komandası Edin Vişçanın 88-ci dəqiqədə penaltidən vurduğu qolla qələbəyə nail olub - 1:0.
Digər oyunlarda İngiltərənin “Mançester Yunayted” klubu Avstriyada LASK-ı 5:0, İsveçrə “Bazel”i isə Almaniyada “Ayntraxt” komandasını 3:0 hesabı ilə məğlub edib.
Qeyd edək ki, Bakı vaxtı ilə saat 00:00-da daha 3 görüşə start veriləcək. “Sevilya” (İspaniya) - “Roma” (İtaliya) və “İnter” (İtaliya) - “Xetafe” (İspaniya) görüşləri isə təxirə salınıb.
Bölmənin digər xəbərləri
