Batumidə çoxmərtəbəli yaşayış binasında güclü yanğın baş verib
Tbilisi, 19 dekabr, AZƏRTAC
Dekabrın 19-da gecə saatlarında Batumidə yerləşən çoxmərtəbəli yaşayış binasında güclü yanğın baş verib.
AZƏRTAC xəbər verir ki, yanğın çoxmərtəbəli binanın sonuncu mərtəbəsində yerləşən restoranda olub.
Yanğın artıq aşağı mərtəbələrə də keçib. Binanın 25-ci mərtəbəsinin sakinləri, habelə aşağı mərtəbələrdə və yaşayış kompleksindəki digər yanaşı binaların sakinlərinin də təxliyəsi həyata keçirilib. Hadisə nəticəsində ölən və xəsarət alanlar barədə məlumat verilmir.
Hadisə yerinə xeyli yanğınsöndürmə və xilasetmə qrupları, təcili yardım briqadaları cəlb olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
