BDU tədqiqatçılarının məqaləsi impakt faktorlu jurnalda
Bakı, 6 iyul, AZƏRTAC
Bakı Dövlət Universitetinin (BDU) Fizika fakültəsinin Nanomaterialların kimyəvi fizikası kafedrasının dosenti Flora Hacıyeva və kafedranın müəllimi Həbibə Şirinovanın həmmüəllifi olduğu məqalə “Web of Science Clarivate Analytics” elmmetrik beynəlxalq bazasına daxil olan yüksək impakt faktorlu “Composite Interface” (İF-2,74) jurnalında dərc olunub.
BDU-dan AZƏRTAC-a bildiriblər ki, “Günəş hüceyrələrinin tətbiqi üçün PVDF + CdS / ZnS bazasında işığa həssas hibrid polimer nanokompozitlər” (“Photosensitive hybrid polymer nanocomposites on the base PVDF+CdS/ZnS for solar cells application”) adlı məqalədə termoplastik polivinilidenflüorid və yarımkeçirici kadmium sulfid və sink sulfid nanohissəcikləri əsasında yeni hibrid polimer nanokompozit materiallar sintez edilib, quruluşu və xassələri tədqiq olunub.
“Composite Interface” jurnalı polimer nanokompozitlər, polimer nanokompozitlərdə fazalararası hadisələr, fazalararası uyğunluq, fazalararası morfologiya, aerokosmik, avtomobil, elektron, tikinti, dəniz, optiki və biotibbi sənayelər üçün kompozitlər sahəsində dünyanın nüfuzlu jurnallarındandır.
Bölmənin digər xəbərləri
