BDU Türkiyənin Aksaray Universiteti ilə “Erasmus” mübadilə protokolu imzalayıb
Bakı, 16 mart, AZƏRTAC
Bakı Dövlət Universiteti (BDU) ilə Türkiyənin Aksaray Universiteti arasında “Erasmus” mübadilə protokolu imzalanıb.
Bu barədə AZƏRTAC-a BDU-dan məlumat verilib.
Protokolu BDU-nun rektoru Elçin Babayev və Aksaray Universitetinin rektoru Yusuf Şahin imzalayıblar. Protokol çərçivəsində təhsilalanlar, tədqiqatçılar və akademik heyətin mübadiləsi nəzərdə tutulur.
Qeyd edək ki, əsası 2006-cı ildə qoyulmuş Aksaray Universiteti Türkiyənin nüfuzlu universitetlərindən biridir. 23 min tələbənin təhsil aldığı Aksaray Universitetində 12 fakültə, 3 institut, 17 araşdırma mərkəzi və 6 peşə kolleci fəaliyyət göstərir.
Bölmənin digər xəbərləri
