Belarus zəlzələdən zərər çəkmiş Myanmaya 20 ton humanitar yardım göndərəcək
Bakı, 7 aprel, AZƏRTAC
Belarus zəlzələdən zərər çəkmiş Myanmaya 20 ton humanitar yardım göndərəcək.
AZƏRTAC xəbər verir ki, bu barədə ölkənin BelTA xəbər agentliyi məlumat yayıb. Bildirilib ki, yardım dövlət başçısının göstərişi əsasında hazırlanıb və çadırlar, yorğan-döşək, qida kimi zəruri ehtiyaclardan ibarətdir.
Belarus fövqəladə hallar nazirinin birinci müavini Aleksandr Xudoleyevin rəhbərlik etdiyi nümayəndə heyəti Myanmaya humanitar yardımı müşayiət edəcək və burada yük yerli hakimiyyət orqanlarına təhvil veriləcək.
Yük Belarus Silahlı Qüvvələrinin İL-76 təyyarəsi ilə çatdırılacaq. Həmin təyyarənin Myanmada baş vermiş zəlzələnin nəticələrini aradan qaldırmağa kömək edən Belarus xilasedicilərini vətənə qaytarması nəzərdə tutulur.
Bölmənin digər xəbərləri
