Belçikanın Lyej əyaləti ilə Azərbaycanın regionları arasında əlaqələrin yaradılması məsələləri müzakirə edilib
Brüssel, 18 dekabr, AZƏRTAC
Azərbaycanın Belçika və Lüksemburqdakı səfiri Fuad İsgəndərov Belçikanın Lyej şəhərinə səfəri çərçivəsində eyni adlı əyalətin qubernatoru Mişel Fore və Əyalət Şurasının sədri Klod Klenkenberq ilə görüşüb.
Görüşdə Lyej əyalətinin Azərbaycanın bir sıra regionları ilə əlaqələrinin yaradılması perspektivləri müzakirə edilib, iqtisadi, sosial və mədəni sahələrdə əməkdaşlığın böyük potensiala malik olduğu bildirilib.
Fuad İsgəndərov son illər ölkəmizdə həyata keçirilən iqtisadi islahatlar, əldə olunan uğurlar və ölkəmizin təşəbbüsü ilə reallaşdırılan regional layihələrlə bağlı ətraflı məlumat verib.
Səfər çərçivəsində, həmçinin Lyej əyalətində fəaliyyət göstərən bir neçə aparıcı şirkətin təqdimatı keçirilib.
Pərvanə Qarayeva
AZƏRTAC-ın xüsusi müxbiri
Brüssel
Bölmənin digər xəbərləri
