BENİLÜKS AZƏRBAYCANLILARI KONQRESİ BİR YAŞINI QEYD ETMƏYƏ HAZIRLAŞIR
Hollandiyadakı Benilüks Azərbaycanlıları Konqresinin (BAK) mətbuat xidmətindən AZƏRTAC-ın xüsusi müxbirinə bildirmişlər ki, BAK-ın Tilburg şəhərində keçirilmiş toplantısında təşkilatın yaradılmasının bir illik yubileyi mərasiminə hazırlıq məsələləri geniş müzakirə edilmişdir.
Yubiley mərasiminin təntənəli şəkildə keçirilməsi üçün xüsusi təşkilat komitəsi yaradılmışdır. BAK-ın sədri Sahil Qasımov təşkilat komitəsinin rəhbəri, Elsevər Məmmədov, Elman Mustafazadə, Tale Həsənov, Tərlan Həsənov müavinləri və idarə heyətinin bir neçə fəalı isə üzvləri seçilmişlər.
Noyabrın 18-də Amsterdamın konfrans zallarının birində keçirilməsi nəzərdə tutulmuş yubiley mərasiminə 300-dən artıq qonaq, o cümlədən Xarici Ölkələrdə Yaşayan Azərbaycanlılarla İş üzrə Dövlət Komitəsi rəhbərliyi və digər rəsmi şəxslər, Benilüks dövlətlərindəki Azərbaycanın səfirləri, media nümayəndələri, başqa ölkələrdə fəaliyyət göstərən Azərbaycan və Türkiyə diasporlarının təmsilçiləri, incəsənət ustaları dəvət ediləcəklər.
Bölmənin digər xəbərləri
