BƏRDƏDƏ HEYDƏR ƏLİYEV MUZEYİNİN İNŞASI BAŞA ÇATMIŞDIR

16.12.2005 [04:57]
Çap et
A⁺ A^-

AZƏRTAC-ın müxbiri xəbər verir ki, Bərdə şəhərinin mərkəzində tikilən Heydər Əliyev muzeyinin inşası başa çatmışdır.

İkimərtəbədən ibarət muzeyin ümumi sahəsi 900 kvadratmetrdir. Ayrı-ayrı guşələrdə ümummilli liderimizin mənalı ömrünün səhifələrini, həyat və fəaliyyətini, dünyanın müxtəlif ölkələrinə səfərləri zamanı ölkə başçıları, dövlət xadimləri, respublikamızın elm, sənət, əmək adamları ilə, gənclərlə görüşlərini, müxtəlif illərdə 14 dəfə Bərdəyə səfərlərini əks etdirən nadir eksponatlar toplanmışdır.

Muzeyin əhatə etdiyi 2 min kvadratmetr sahədə yüzlərlə bəzək ağacı, gül-çiçək əkilmiş, fəvvarələr quraşdırılmışdır.

Muzeyin qarşısında ulu öndərin əzəmətli heykəli ucaldılmışdır.