Beycan İlyas: Azərbaycan işğalçı Ermənistan və arxasında dayanan zalımlar qarşısında əsla yalnız deyil
Bakı, 19 sentyabr, AZƏRTAC
Makedoniya Türk Demokratik Partiyasının sədri, Şimali Makedoniya Məclisinin üzvü Beycan İlyas Yeni Azərbaycan Partiyası Sədrinin müavini-Mərkəzi Aparatın rəhbəri Tahir Budaqova Ermənistan silahlı qüvvələrinin dövlət sərhədində törətdiyi genişmiqyaslı təxribat nəticəsində hərbi qulluqçularımızın şəhid olması ilə əlaqədar başsağlığı məktubu ünvanlayıb.
Bu barədə AZƏRTAC-a Yeni Azərbaycan Partiyasının mətbuat xidmətindən məlumat verilib.
Məktubda deyilir: “Sizi səmimi-qəlbdən salamlayır, ötən günlərdə Azərbaycan-Ermənistan sərhədində baş verən toqquşmalarda şəhid olan Azərbaycan Ordusunun qəhrəman əsgərlərinə Allahdan rəhmət, yaralılara şəfa, qardaş Azərbaycan xalqına başsağlığı verir və səbir diləyirik. Allah yardımçınız olsun.
Makedoniya türkləri can Azərbaycanın vətən torpağı Qarabağın tamamilə işğaldan azad olunması üçün apardığı haqlı mübarizədə soydaş Azərbaycan xalqının yanındadır. Azərbaycan işğalçı Ermənistan və arxasında dayanan zalımlar qarşısında əsla yalnız deyil. Allah yardımçınız olsun.
Eyni qanı daşıdığımız Azərbaycandakı bütün soydaşlarımızı salamlayır, möhkəm cansağlığı diləyirəm”.
Bölmənin digər xəbərləri
