BEYNƏLXALQ HƏVƏSKAR GÜLƏŞ FEDERASİYASININ PREZİDENTİ BAKIYA GƏLMİŞDİR
Beynəlxalq Həvəskar Güləş Federasiyasının (FILA) prezidenti Rafael Martinetti Bakıya gəlmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, səfərdən əsas məqsəd sərbəst güləş üzrə aprelin 3-də Azərbaycan paytaxtında başlanan Dünya kuboku yarışlarının gedişini izləmək, ölkəmizin idman qurğuları və Güləş Federasiyası ilə tanış olmaqdır.
FILA-nın rəhbəri gənclər, idman və turizm naziri Əbülfəz Qarayevlə aprelin 2-də keçirilmiş görüş zamanı idman sahəsində dövlət siyasətini, bu istiqamətdə əldə edilmiş nailiyyətləri yüksək qiymətləndirərək Dünya kuboku yarışlarına hazırlığın yüksək səviyyədə olduğunu vurğulamışdır.
Bölmənin digər xəbərləri
