Biləcəridə stolüstü oyunlar üzrə rayon birincilikləri keçirilib
Bakı, 3 sentyabr, AZƏRTAC
Biləcəri istirahət parkında vətəndaşların asudə vaxtlarının səmərəli təşkili məqsədilə sakinlər arasında stolüstü oyunlar üzrə Binəqədi rayon birincilikləri keçirilib.
Gənclər və İdman Nazirliyindən AZƏRTAC-a bildiriblər ki, Binəqədi Rayon Gənclər və İdman İdarəsi, rayonda fəaliyyət göstərən bələdiyyələr, qəsəbə və sahə inzibati ərazi dairələri üzrə nümayəndəliklərin təşkilatçılığı ilə keçirilən birinciliklərdə, ümumilikdə 250 sakin dama, şahmat və nərd yarışlarında qüvvəsini sınayıb.
Yarışın mükafatçılarına Binəqədi Rayon Gənclər və İdman İdarəsi tərəfindən diplom və xatirə hədiyyələri təqdim olunub.
Bölmənin digər xəbərləri
