Boksçumuz Serbiyada beynəlxalq turnirdə mübarizəni dayandırıb
Bakı, 17 dekabr, AZƏRTAC
Serbiyanın Loznitsa şəhərində boks üzrə beynəlxalq turnir davam edir.
Azərbaycan Boks Federasiyasından AZƏRTAC-a bildiriblər ki, yığmamızın yarışdakı yeganə idmançısı Mirşərif Kazımzadə (75 kq) ikinci görüşünü keçirib.
İlk qarşılaşmasında moldovalı Vlad Qavriluçə qalib gələn boksçumuz dörddəbir finalda serbiyalı Sandro Poletanla üz-üzə gəlib. Döyüş rəqibin 2:1 hesablı qələbəsi ilə yekunlaşıb. Bununla da, təmsilçimiz yarışda mübarizəni dayandırıb.
Qeyd edək ki, 18 ölkədən 150-dən artıq boksçunun qatıldığı turnirdə final görüşləri dekabrın 18-də keçiriləcək.
Bölmənin digər xəbərləri
