Bolqarıstanda “Frakiya gürzəsi-2020” adlı aviatəlimlər başlayıb
Sofiya, 14 sentyabr, AZƏRTAC
Bolqarıstanda “Frakiya gürzəsi-2020” adı altında hərbi hava qüvvələrinin təlimləri başlayıb.
AZƏRTAC ölkənin Müdafiə Nazirliyinə istinadla xəbər verir ki, sentyabrın 25-dək davam edəcək təlimlərdə Bolqarıstan, Kanada, Yunanıstan və Rumıniyanın hərbi hava qüvvələri iştirak edir. Sentyabrın 18-də isə təlimlərə ABŞ-ın Avropadakı hərbi hava qüvvələri qoşulacaq.
Təlimlər zamanı müdafiə əməliyyatlarına hazırlıq, infrastrukturun və ərazilərin müdafiə üsullarının tətbiqi əməliyyatları üzrə məşqlər həyata keçiriləcək.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
