BORÇALI BÖLGƏSİNDƏ TORPAQ SAHƏLƏRİ PAYLANMAĞA BAŞLANMIŞDIR
AZƏRTAC-ın xüsusi müxbiri xəbər verir ki, fevralın 24-də Gürcüstanın Kvemo Kartli-Borçalı bölgəsinin qubernatoru Zurab Melikişvili Prezident Mixail Saakaşvilinin göstərişi ilə Qardabani rayonunun Kalinin kəndindəki 750 təsərrüfatdan 120-nə 0,50 hektar torpaq sahəsi verilməsi mərasimində iştirak etmişdir. Z.Melikişvili yaxın günlərdə qalan 630 təsərrüfatın hər birinə də bir o qədər torpaq sahəsi veriləcəyini bildirmişdir.
Qubernator Marneuli rayonundakı Dəmyə Görarxı kəndində torpaq bölgüsündəki haqsızlığa qarşı keçirilən aksiya zamanı yerli əhali ilə polis arasında baş verən toqquşmaya toxunaraq, bu istiqamətdə əsaslı tədbirlər görüləcəyini bildirmişdir.
