“Borussiya” klubunun futbolçusu Erlinq Holann yeni rekorda imza atıb
Bakı, 16 dekabr, AZƏRTAC
Almaniyanın “Borussiya” (Dortmund) klubunun futbolçusu Erlinq Holann yeni rekorda imza atıb.
AZƏRTAC xəbər verir ki, 21 yaşlı hücumçu buna “Qröyter Fürt”ü 3:0 hesabı ilə məğlub etdikləri Bundesliqanın XVI tur oyununda nail olub.
Qarşılaşmada dubla imza atan norveçli forvard Dortmund təmsilçisində 2021-ci ildə 29-30-cu qollarını vurub. Beləliklə, Holann bir il ərzində klubunda ən çox fərqlənən oyunçu ünvanına sahib çıxıb.
Qeyd edək ki, Erlinq Holann cari mövsüm 9 matçda 13 qola imza atıb. O, zədə səbəbindən bir neçə oyunu buraxmalı olub.
Bölmənin digər xəbərləri
