BÖYÜK BRİTANİYA KRALİÇASININ XƏRCLƏRİ ARTMIŞDIR
AZƏRTAC-ın İTAR-TASS Agentliyindən aldığı xəbərə görə, Böyük Britaniya kraliçası II Elizabetin və kral ailəsi üzvlərinin ötən maliyyə ilində xərcləri 4,2 faiz artaraq, 37,4 milyon funt-sterlinqə çatmışdır. Kraliçanın hesabdarları bunu ötən il bəzi xoşagəlməz məqamlar baş verdikdən sonra dövlət başçısının iqamətgahında görülən əlavə təhlükəsizlik tədbirlərinə çəkilən xərclərin artması ilə izah edirlər.
II Elizabetin işlər müdirləri hökumətdən kral saraylarını və qəsrlərini qaydada saxlamaq üçün ayrılan vəsaitin məbləğini 1 milyon funt-sterlinq artırmağı xahiş etmək niyyətindədirlər. Hazırda bu xərclər ildə 15 milyon funt-sterlinqdir.
Bölmənin digər xəbərləri
