BÖYÜK BRİTANİYADA TERROR AKTININ QARŞISI ALINMIŞDIR
AZƏRTAC xarici informasiya agentliklərinə istinadla xəbər verir ki, son bir neçə həftə ərzində Böyük Britaniyada yeni terror aktlarının qarşısı alınmışdır. Bunu London polisinin başçısı bildirmişdir. Skotlənd Yardın rəhbəri demişdir ki, ölkənin başı üstünü almış terrorizm təhlükəsi hələ də zəifləməmişdir. Onun sözlərinə görə, kəşfiyyat ehtimal edir ki, digər terrorçu qruplar Böyük Britaniyanı yaxın aylarda basqınlara məruz qoymağa cəhd göstərəcəklər.
Bu günlər Britaniya parlamenti yeni antiterror qanunvericiliyi layihəsini müzakirə edir. Layihədə terrorizmə havadarlıq etməkdə şübhəli sayılan şəxslərin daha uzun müddətə həbsdə saxlanılması nəzərdə tutulur. Polis nümayəndələrinin fikrincə, bu müddət 90 günədək uzadılmalıdır.
Bölmənin digər xəbərləri
