Britaniya miqrantların deportasiyası ilə bağlı uğursuz plana 904 milyon dollar xərcləyib
Bakı, 3 dekabr, AZƏRTAC
Böyük Britaniya səlahiyyətliləri qeyri-qanuni miqrantların Ruandaya deportasiyası üçün heç vaxt həyata keçirilməyən plana təxminən 904 milyon dollar xərcləyib.
AZƏRTAC xəbər verir ki, bu barədə Britaniya hökumətinin saytında məlumat verilib.
Məlumata görə, Böyük Britaniya Daxili İşlər Nazirliyi bu məbləği 2022-ci ilin aprelindən cari ilin iyununa qədər olan müddətdə xərcləyib.
O, qeyd edildiyi kimi, Ruandanın iqtisadi inkişafını, miqrantların qəbulu və yerləşdirilməsi prosesini dəstəkləmək, Ruandaya uçuşların təhlükəsizliyini təmin etmək və yerləşdirmə mərkəzlərini optimallaşdırmaq üçün nəzərdə tutulan pulları əhatə edir.
Aydınlaşdırılır ki, iyulun 6-da ölkənin yeni hökuməti qeyri-qanuni mühacirləri Ruandaya qovmaq planlarından imtina etdiyini bəyan edib.
Bundan əvvəl “Telegraph” qəzeti yazıb ki, Britaniya qeyri-qanuni miqrantların sayına görə Avropada birinci yerdədir.
Bölmənin digər xəbərləri
