BU GÜN 2008-Cİ İL AVROPA ÇEMPİONATININ AÇILIŞ OYUNLARI KEÇİRİLƏCƏKDİR
Bu gün Avstriya və İsveçrənin ev sahibliyi ilə futbol üzrə 13-cü Avropa çempionatına (AÇ-2008) start verilir. Açılış oyunu Bazel şəhərində A qrupunda mübarizə aparan İsveçrə və Çexiya yığma komandaları arasında baş tutacaqdır. A qrupunda digər oyunda isə Türkiyə və Portuqaliya yığmaları mübarizə aparacaqlar.
Hər iki ölkənin tarixində ən irimiqyaslı idman tədbiri olan AÇ-2008 çərçivəsində iyunun 29-dək 31 qarşılaşma olacaqdır. 1,1 milyon futbol azarkeşi oyunları birbaşa stadionlardan izləyəcək və hər matçı 155 milyondan artıq insan televiziya ekranları qarşısında canlı olaraq seyr edə biləcəkdir. Dünyanın 200-dən çox ölkəsinə birbaşa translyasiya edilən çempionatın final oyununa 280 milyon nəfərin tamaşa edəcəyi gözlənilir.
Oyunları yaxından izləmək və reportajlar hazırlamaq üçün hər iki təşkilatçı dövlətdə dünyanın müxtəlif ölkələrindən 7 minədək mətbuat nümayəndəsi akkreditə olunmuşdur.
Bölmənin digər xəbərləri
