Bu il Azərbaycan HOTREC-in regionda və Şərqi Avropada ilk tamhüquqlu üzvü olur
Bakı, 27 fevral, AZƏRTAC
Bu il Azərbaycan Avropa Otellər və Restoranlar Assosiasiyasının (HOTREC) regionda və Şərqi Avropada birinci tamhüquqlu üzvü olur. Bu, böyük nailiyyətdir, belə ki, Azərbaycan Turizm Bürosu nəzdində otellərin ulduz təsnifatı orqanı əsasən unikal Avropa sistemi olan meyarların keyfiyyətlə yerinə yetirilməsinə nəzarət edir.
AZƏRTAC xəbər verir ki, bunu Azərbaycan Turizm Bürosunun İdarə Heyətinin sədri Florian Zenqstşmid bildirib.
O deyib: “Hazırda əsasən Bakı, Abşeron və Sumqayıtda 200-dən çox otel ulduz təsnifatına malikdir və bu il payızda keçiriləcək MDB Oyunlarını nəzərə alaraq, regionlarda da fəaliyyətimizi genişləndiririk. Bizim səylərimiz regionlarda daha çox otellərin olmasına və ən yaxşı standartların tətbiqinə yönəlib”.
Bölmənin digər xəbərləri
