BU İL ƏFQANISTANDA NARKOTİKLƏR HAZIRLAYAN 181 LABORATORİYA LƏĞV EDİLMİŞDİR

16.12.2005 [10:26]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Əfqanıstan hökuməti bu il heroin istehsal edən 181 gizli laboratoriya, 200 ton narkotik vasitə məhv etmişdir. Bunu daxili işlər nazirinin narkotiklərlə mübarizəyə cavabdeh olan müavini Məhəmməd Davud Kabildə mətbuat konfransında bildirmişdir.

Nazir müavininin bu bəyanatı gələn il Əfqanıstanda tiryək xaşxaşı əkini sahəsinin artırılacağını iddia edən BMT-nin narkotiklərə nəzarət idarəsi əməkdaşının sözlərinə cavab olaraq verilmişdir. Davud bunu məsuliyyətsiz və əsassız proqnoz adlandırmışdır. Onun sözlərinə görə, Əfqanıstan hökuməti tiryək xaşxaşı sahələrinin məhv edilməsinə dair mübarizəni gücləndirmək məqsədi ilə bütün qüvvələri səfərbərliyə alacaqdır.

Hökumətin hesablamalarına görə, 2008-ci ildə ölkədə xaşxaş istehsalı inişillə müqayisədə 75 faiz azalacaqdır.