Bu ilin 4 ayında “Azərkosmos” 8,7 milyon dollarlıq telekommunikasiya xidmətləri ixrac edib
Bakı, 2 iyun, AZƏRTAC
2026-cı ilin yanvar-aprel aylarında “Azərkosmos” dünyanın 32 ölkəsindən olan 90-a yaxın şirkətə 8,7 milyon dollar dəyərində telekommunikasiya xidmətləri ixrac edib.
AZƏRTAC İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın 2026-cı il üzrə may sayına istinadla xəbər verir ki, “Azərkosmos”un xidmət ixracından əldə etdiyi gəlir onun ümumi gəlirlərinin 64 faizini təşkil edib.
Hesabat dövründə peyk telekommunikasiya xidmətlərinin ixracının ilk beşliyində 1,4 milyon dollarla Birləşmiş Krallıq, 1 milyon dollarla Lüksemburq, 381,1 min dollarla Türkiyə, 370 min dollarla Pakistan, 187,2 min dollarla İsveç qərarlaşıb.
Bölmənin digər xəbərləri
