Burkina Fasoda üç hərbçi dövlətə qarşı sui-qəsd ittihamı ilə həbs edilib
Bakı, 9 sentyabr, AZƏRTAC
Burkina Fasoda üç hərbçi dövlətə qarşı sui-qəsd və ölkənin keçid hakimiyyətinə qarşı fəaliyyətdə ittiham olunaraq həbs edilib.
AZƏRTAC TASS-a istinadla xəbər verir ki, bu barədə hərbi prokuror Alfons Zorma bildirib.
“2023-cü il avqustun sonunda hərbi prokurorluq üç hərbçinin Burkina Fasonun keçid prezidentinin evi də daxil olmaqla, ən həssas obyektlərdə kəşfiyyat aparması ilə bağlı faktlardan xəbərdar olub", - deyən hərbi prokuror qeyd edib ki, dövlətə qarşı sui-qəsddə ittiham olunan hərbçilər həbs edilərək müstəntiq qarşısına çıxarılıb. Hazırda onlar istintaq təcridxanasındadırlar.
Saxlanılanlar zabit Windinmalegde Kabore, baş çavuş Brice Ismael Ramde və 2015-ci ildə dövlətə qarşı sui-qəsddə ittiham olunduğu üçün işdən çıxarılan keçmiş hərbçi Sami Dahdır.
Bölmənin digər xəbərləri
