Cənubi Afrika BRİCS-in genişləndirilməsinin tərəfdarıdır
Bakı, 21 avqust, AZƏRTAC
Cənubi Afrika Respublikası BRİCS-in (Braziliya, Rusiya, Hindistan, Çin, Cənubi Afrika Respublikası) yeni üzv ölkələr vasitəsilə genişləndirilməsini dəstəkləyir.
AZƏRTAC xarici KİV-ə istinadla xəbər verir ki, bu barədə Cənubi Afrika Respublikası Prezidenti Siril Ramaposa avqustun 22-24-də Yohannesburqda keçiriləcək BRİCS sammiti ilə bağlı xalqa müraciətində deyib.
“İyirmidən çox ölkə BRİCS-ə qoşulmaq üçün rəsmi müraciət edib və daha çox ölkə qoşulmağa maraq göstərir. Cənubi Afrika Respublikası BRİCS üzvlərinin sayının genişləndirilməsini dəstəkləyir. Lakin BRİCS-in genişləndirilməsi prosesinin uğurlu olması üçün BRİCS-ə qoşulmaq istəyən ölkələrlə əlaqələri gücləndirmək lazımdır”, - deyə Siril Ramaposa bildirib.
Bölmənin digər xəbərləri
