Cənubi Afrikada fırtına nəticəsində on nəfər ölüb
Bakı, 5 iyun, AZƏRTAC
Cənubi Afrika Respublikasının şərqindəki KvaZulu-Natal əyalətində fırtına nəticəsində on nəfər həlak olub.
AZƏRTAC xəbər verir ki, bununla bağlı əyalət hökumətinin rəsmi sosial media hesabında bəyanat paylaşılıb. Məlumatda qeyd olunub ki, leysan yağışları, güclü külək və fırtına bazar gününə və bazar ertəsinə keçən gecə vilayətin bəzi hissələrinə, o cümlədən, infrastruktura böyük ziyan vurub.
Əyalət rəsmiləri bildirib ki, fırtına nəticəsində ev təsərrüfatlarını, yolları su basıb.
Açıqlamaya görə, əyalət hökumətinin üzvləri təbii fəlakətin nəticələrini qiymətləndirmək və yardım göstərmək üçün həmin bölgələrə səfər ediblər.
Bölmənin digər xəbərləri
