Çay hövzələrində su ehtiyatı ötən illə müqayisədə çoxdur
Bakı, 14 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən çaylarda aprel-iyun ayları üçün yaz gursululuğunun və daşqın hadisələrinin proqnozu hazırlanmışdır.
Nazirlikdən AZƏRTAC-a bildirmişlər ki, çay axını yaradan dağlıq ərazilərdə qarölçmə işləri tam başa çatdırılmışdır. Bu işlər Böyük Qafqazda 580-2920 metr yüksəklikləri əhatə etməklə 16, Kiçik Qafqazda 7, Naxçıvan MR-də isə 5 marşrut üzrə həyata keçirilmişdir.
Ekspedisiyanın nəticəsi göstərir ki, dağlıq çay hövzələrində 2011-ci ildə qar və su ehtiyatı həm çoxillik norma, həm də ötən illə müqayisədə daha çoxdur.
Bölmənin digər xəbərləri
