Çayların vəziyyəti ilə əlaqədar araşdırmanın nəticələri açıqlanmışdır
Bakı, 6 yanvar (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti yanvarın 6-da çaylarda vəziyyəti araşdırmışdır.
Nazirliyin mətbuat xidmətindən AZƏRTAC-a bildirmişlər ki, hazırda Lənkəran-Astara bölgəsi çaylarında sululuq ongünlük normanın 55-85, Böyük Qafqazda 110-230, Kiçik Qafqazda 135-145, Naxçıvan MR çaylarında isə 30-40 faizini təşkil edir. Kür çayının Qıraqkəsəmən məntəqəsində su sərfi saniyədə 107 kubmetr, Qanıx çayının Əyriçay məntəqəsində isə saniyədə 71 kubmetrdir.
Araşdırmaya görə, Kür çayının aşağı axınındakı Surra məntəqəsində suyun səviyyəsi 575, Şirvanda 470, Bankədə 309, Araz çayının Novruzlu məntəqəsində isə 292 santimetr olmuşdur ki, bu da ötən ilin müvafiq dövrü ilə müqayisədə yüksəkdir.
Bölmənin digər xəbərləri
