“ÇELLENC-2” TURNİRİNDƏ “ATASPORT”UN İLK GÖRÜŞÜ HEÇ-HEÇƏ BAŞA ÇATMIŞDIR
Bakı, 29 may (AZƏRTAC). Azərbaycanın kişilərdən ibarət “Atasport” xokkey komandası Portuqaliyanın Louzada şəhərində keçirilən “Çellenc-2” turnirində iştirak edir. Azərbaycan komandasının “V” qrupunda ilk rəqibi - Portuqaliyanın “Lamas” komandası ilə oyunu heç-heçə (1:1) başa çatmışdır. Həmin qrupda keçirilən ikinci matçda Sloveniyanın “Plivo Lipovçi” komandası Portuqaliyanın daha bir klubu “Louzada”nı 3:2 hesabı ilə məğlubiyyətə uğratmışdır.
Beləliklə, birinci turdan sonra Sloveniya klubu 3 xalla liderdir. Aktivində 12 xal olan “Atasport” və “Lamas” ikinci və üçüncü yerləri bölüşürlər. Heç bir xalı olmayan “Louzada” isə turnir cədvəlində sonuncu yerdədir.
Komandamız növbəti görüşü “Louzada” ilə keçirəcəkdir.
Bölmənin digər xəbərləri
