Çempionlar Liqası: "Fənərbağça" evdə "Lyon"la heç-heçə edib
Bakı, 19 avqust, AZƏRTAC
Türkiyənin “Fənərbağça” komandası UEFA Çempionlar Liqasının pley-off mərhələsində ilk oyuna çıxıb.
AZƏRTAC xəbər verir ki, İstanbul təmsilçisi öz meydanında Fransanın “Lyon” klubunu qəbul edib. Görüş 1:1 hesablı heç-heçə ilə başa çatıb.
Qonaqlar 40-cı dəqiqədə Luis Opendanın qolu ilə hesabı açıblar. Ev sahibi komanda 47-ci dəqiqədə tarazlığı bərpa edib. Meyson Qrinvud qüvvətli zərbə ilə rəqib qapısına yol tapıb.
Gecənin digər oyunlarında Xorvatiyanın “Dinamo” (Zaqreb) komandası evdə Norveçin “Vikinq” klubu ilə 2:2 hesablı heç-heçəyə razılaşıb. Bolqarıstanın “Levski” (Sofiya) və Yunanıstanın AEK komandaları arasındakı oyunda isə qapılara qol vurulmayıb - 0:0.
Qeyd edək ki, pley-off mərhələsinin cavab oyunları avqustun 25-26-da keçiriləcək.
Bölmənin digər xəbərləri
