Çempionlar Liqası: “Fənərbağça” doğma meydanda “Lill” ilə qarşılaşacaq
Bakı, 13 avqust, AZƏRTAC
Türkiyənin “Fənərbağça” klubu UEFA Çempionlar Liqasının III təsnifat mərhələsində bu gün cavab oyununa çıxacaq.
AZƏRTAC xəbər verir ki, İstanbul nəhəngi doğma meydanda Fransanın “Lill” komandası ilə qarşılaşacaq. Görüş Bakı vaxtı ilə saat 21:00-da start götürəcək.
Komandalar arasında cütün ilk oyunu Fransa təmsilçisinin 2:1 hesablı qələbəsi ilə yekunlaşıb. Joze Mourinyonun kollektivi III raundda “Lill”i mübarizədən kənarlaşdırsa, “Slaviya” (Çexiya) - “Yunion” (Belçika) duelinin qalibi ilə üz-üzə gələcək.
Bölmənin digər xəbərləri
