Çerniqov vilayətində hava hücumu nəticəsində təxminən 50 min insan işıqsız qalıb
Kiyev, 4 oktyabr, AZƏRTAC
Ötən gecə Rusiya qoşunları yenidən Ukraynanın enerji infrastrukturuna hücum edib. Çerniqov vilayətində hava hücumu nəticəsində təxminən 50 min insan işıqsız qalıb, fövqəladə qəzalar davam edir.
AZƏRTAC xəbər verir ki, bu barədə Ukraynanın Energetika Nazirliyi məlumat yayıb.
Nazirliyin məlumatına görə, Rusiyanın Çerniqov vilayətini atəşə tutması nəticəsində fövqəladə qəzalar 50 minə yaxın istehlakçıya ziyan vurub. Bu arada, bölgədə elektrik enerjisinin saatlıq kəsilməsi qrafiki üzrə fəaliyyəti davam edir.
"Energetiklər mümkün qədər tez elektrik enerjisini bərpa etmək və "Çerniqov-Oblenerqo"nun həyata keçirmək məcburiyyətində qaldığı saatlıq fasilələri ləğv etmək üçün mümkün olan hər şeyi edirlər", - Energetika Nazirliyi qeyd edib.
Nazirlikdən bildirilib ki, enerji infrastrukturu obyektlərinə məqsədyönlü hücumlar düşmənin əl atdığı terror üsullarının növbəti sübutudur.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
