DÜNYA
Çexiya Prezidenti onlarla ölkə vətəndaşına Ukrayna ordusunun sıralarına qoşulmağa icazə verib
Kiyev, 3 noyabr, AZƏRTAC
Çexiya Prezidenti Petr Pavel bir neçə onlarla ölkə vətəndaşının Ukrayna Silahlı Qüvvələrinin sıralarına qoşulmasına icazə verib. Ümumilikdə, çexlər icazə üçün təxminən 200 sorğu təqdim ediblər.
Bu barədə AZƏRTAC “Çeski rozhlas”a istinadən məlumat verib.
Dövlət başçısının mətbuat katibi Filip Platoşun sözlərinə görə, 180-dən çox çex Ukrayna ordusuna qoşulmaq üçün ölkə prezidentinə müraciət edib.
Çexiya qanunlarına görə, vətəndaşlar ölkə prezidentinin icazəsi olmadan xaricdəki hərbi və ya hərbiləşdirilmiş birləşmələrdə iştirak edə bilməzlər.
Nəşrin məlumatına görə, Çexiya Prezidentinin ölkənin 60 vətəndaşının Ukrayna Silahlı Qüvvələrinin sıralarına qoşulmasına icazə verdiyi məlum olub.
Emil Hüseynli
AZƏRTAC-ın xüsusi müxbiri
Kiyev
