Çexiyada əməkhaqqının miqdarında gender bərabərsizliyi mövcuddur
Praqa, 2 noyabr, AZƏRTAC
Çexiyanın əmək naziri Yana Malaçovanın verdiyi məlumata görə, bu ölkədə qadın və kişi əməyinin qiymətləndirilməsində əhəmiyyətli dərəcədə bərabərsizlik müşahidə olunur.
AZƏRTAC-ın məlumatına görə, qurumun rəhbəri bəyan edib ki, hazırda bu göstərici 22 faiz təşkil edir. Bu, Avropa İttifaqı ölkələri arasında ən pis nəticədir.
Mütləq rəqəmlərdə qadınlar il ərzində orta hesabla kişilərdən 80 min kron (3200 avro) az qazanırlar. Əmək naziri hesab edir ki, bu fakt ailələrə, uşaqlara, təqaüdlərin miqdarına, həmçinin bütövlükdə iqtisadiyyata mənfi təsir göstərir.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
