ÇİMƏRLİK FUTBOLU ÜZRƏ HƏVƏSKAR KOMANDALAR ARASINDA İLK DƏFƏ ÖLKƏ ÇEMPİONATINA START VERİLMİŞDİR
AZƏRTAC xəbər verir ki, iyunun 10-da Mərdəkandakı “Dalğa” istirahət kompleksinin ərazisində inşa olunmuş çimərlik futbolu meydançasında həvəskar komandalar arasında ilk Azərbaycan çempionatının açılış mərasimi keçirilmişdir.
Tədbirdə AFFA-nın baş katibi Elxan Məmmədov, Çimərlik Futbol Federasiyasının prezidenti Fərid Novruzi çıxış edərək, bütün iştirakcılara uğurlar arzulamışlar. Natiqlər qeyd etmişlər ki, Prezident İlham Əliyev tərəfindən imzalanmış “Azərbaycan Respublikasında 2005-2015-ci illərdə futbolun inkişafına dair Dövlət Proqramı”nın bütün müddəalarının yerinə yetirilməsi üçün AFFA səylərini əsirgəmir və qısa vaxt ərzində bu qurumun dəstəyi ilə çimərlik futbolu üzrə oyunların keçirilməsi üçün meydançanın inşa olunması bu istiqamətdə görülən işlərin səmərəliliyinin göstəricisidir.
Çempionatda 58 komanda olimpiya sistemi üzrə mübarizə aparacaqdır.
Bölmənin digər xəbərləri
