ÇİMƏRLİK VOLEYBOLU ÜZRƏ AZƏRBAYCAN ÇEMPİONATI BAŞA ÇATMIŞDIR
Azərbaycan Voleybol Federasiyasının mətbuat xidmətindən AZƏRTAC-ın müxbirinə bildirmişlər ki, kişilərin turnirində 17 komanda iştirak etmişdir. “Azərneft-1” komandası finalda Ali hərbi məktəbin voleybolçularına qalib gələrək birinci yeri tutmuşdur. Üçüncü yerə “Azərneft-2” komandası çıxmışdır.
Qadınların yarışında iştirak edən 12 komanda arasında “Gənclik-1” finalda “Xilasedici” komandasına qalib gəlmişdir. Bürünc medala isə “Azərreyl” komandası sahib olmuşdur.
Avqustun 9-da çimərlikdə yaşlılar arasında Azərbaycan çempionatı başlayacaqdır.
Bölmənin digər xəbərləri
