Bakı, 28 sentyabr, AZƏRTAC

Çinin "BASE NİNGBO GROUP CO.LTD" şirkəti müxtəlif çeşidli məhsullar ixrac edir. Şirkət, həmçinin paltar, tekstil və elektronika istehsalı üzrə ixtisaslaşib.

AZƏRTAC xəbər verir ki, bu sözləri sentyabrın 28-də Bakı Ekspo Mərkəzində keçirilən “Çin şirkətləri və məhsulları sərgisi”ndə şirkətin meneceri Xiu Zhen Ying deyib.

Onun sözlərinə görə, təmsil etdiyi şirkət 100 min növ məhsul istehsal edir və bu məhsullar Avropanın bir sıra ölkələrinə ixrac olunur.

Azərbaycanla iqtisadi əlaqələrdə maraqlı olduqlarını deyən Xiu Zhen Ying yaxın gələcəkdə Bakıda şirkətin filialının açılacağını da bildirib.