Çinin Şensi əyalətinin qubernatoru haqqında təhqiqat başlanıb
Pekin, 13 aprel, AZƏRTAC
Çin Kommunist Partiyasının Mərkəzi İntizam Komitəsi və Dövlət Nəzarət Komitəsi partiya intizamını və qanunları pozmaqda şübhəli bilinən Şensi əyalətinin qubernatoru Cin Siancun haqqında təhqiqata başlayıb.
AZƏRTAC xəbər verir ki, hər iki komitə qubernatorun məsələsi haqqında ətraflı məlumat açıqlamayıb.
Uzun illər müxtəlif dövlət qurumlarında rəhbər vəzifələrdə çalışmış Cin Siancun 2018-ci ildə Teincin şəhəri merinin müavini təyin olunub. O, 2023-cü ilin yanvarından Şensi əyalətinin qubernatoru vəzifəsində çalışır.
Qeyd edək ki, Si Cinpin 2012-ci ildə Çin Kommunist Partiyasının rəhbəri seçildikdən sonra ölkədə korrupsiyaya qarşı genişmiqyaslı kampaniyaya başlayıb. Ötən müddətdə on minlərlə məmur edam cəzası da daxil olmaqla müxtəlif formada cəzalandırılıb. Onlar arasında nazirlər, qubernatorlar, merlər, partiya rəsmiləri, ali rütbəli hərbçilər, iri dövlət şirkətlərinin rəhbərləri də var.
Pekin
Bölmənin digər xəbərləri
